Descrición

Cada mes, os 7 estralos de Luzes tentan penetrar no ruído de fondo da banalidade e fakes deste tempo. Ser unha chamada de atención, unha proposta ao público para ollar ás cousas que nos pasan con rigor  e calma. Para reflexionar, aprender, entender … o mundo e o país nos que vivimos. Recóllense neste libro unha escolma de 26 pezas, de firmas expertas que, ao analizar polo miúdo cuestións cruciais deste tempo e deste lugar, desmenten a “Galicia no país das maravillas” do espellismo populista feijooniano. E debuxan o que somos e o que podemos ser. Unha Galicia de sete estralos.